A.Avloniy nomidagi institutning OAK ro‘yxatiga kiritilgan, maqolalari xalqaro indeksatsiya bazalarida aks etadigan “Maktab ta‘limi: muammolar, izlanishlar, yechimlar” ilmiy-amaliy jurnali 2026-yil 2-soni uchun ilmiy maqolalar qabulini e‘lon qiladi.

Siz ta‘lim sohasida izlanish olib borayotgan olim, tadqiqotchi yoki amaliyotchi mutaxassis bo‘lsangiz, ilmiy maqolangizni ushbu jurnalda chop etish uchun yuborishingiz mumkin.

Qabul qilinadigan yo‘nalishlar:

➖ Maktab ta‘limi va uzluksiz ta‘lim: milliy islohotlar, xalqaro tajribalar;

➖ Zamonaviy pedagogik texnologiyalar: innovatsiyalar va ularni amaliyotga joriy etish;

➖ Xalqaro ilmiy tadqiqotlar: maktab ta‘limining dolzarb muammolari;

➖ Ta‘lim menejmenti va boshqaruvi: kadrlar tayyorlash, malaka oshirish, xalqaro baholash tadqiqotlari;

➖ Ilmiy-uslubiy tadqiqotlar: ta‘lim standartlari, o‘quv rejalari va dasturlar;

➖ Ta‘lim strategiyalari: istiqbolli yo‘nalishlar va amaliy tadqiqotlar.

❗️Maqolalarga qo‘yiladigan talablar:

Tillar: o‘zbek (lotin), rus yoki ingliz.

Sarlavha: o‘zbek, rus va ingliz tillarida.

Muallif haqida ma‘lumot: F.I.Sh., ish joyi, ilmiy daraja, e-mail, telefon.

Annotatsiya: 100–250 so‘z, uchta tilda.

Kalit so‘zlar: 6–8 ta.

Tuzilishi: kirish, asosiy qism, xulosa.

Format: Times New Roman, 14 shrift, 1,15 interval, 2 sm hoshiyalar.

Hajm: 8–16 bet.

Jadval va rasmlar: xalqaro standartlarga mos.

Adabiyotlar: kamida 8–10 ta ilmiy manba.

Plagiat: kamida 65% o‘ziga xoslik.

Muhim: O‘zlashtirilgan fikr va ma‘lumotlarga havola berilmasa, maqola rad etiladi.

Maqolalar 2026-yil 28-fevralga qadar qabul qilinadi.

Maqola topshirish: https://journal.avloniy.uz