O‘zbekiston Respublikasi Xalq taʼlimi vazirining 2022-yil 28-iyundagi “O‘zbekiston Respublikasi Prezidentining “Nizomiy nomidagi Toshkent davlat pedagogika universiteti faoliyatini takomillashtirish bo‘yicha qo‘shimcha chora-tadbiralar to‘g‘risida”gi qarori ijrosi haqidagi 209-son buyrug‘i bilan tasdiqlangan A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti Ustaviga mufoviq Ilmiy kengash faoliyatini tashkil etish tartibi belgilangan.

Ilmiy kengash Institut faoliyatiga doir asosiy masalalarni ko‘rib chiqish uchun tashkil etiladi va Institut rektori raisligida faoliyat ko‘rsatadi. Ayrim istisno holatlarda Institut ilmiy maslahatchisi Ilmiy kengash majlisida raislik vazifasini bajarishi mumkin.

Ilmiy kengash Institutning oliy boshqaruv organi hisoblanadi.

Nizom bo‘yicha Ilmiy kengash tarkibiga Institut rektori (Rais), Ilmiy maslahatchi (rais o‘rinbosari), prorektorlar, ilmiy-tadqiqot bo‘limlari va kafedralar mudirlari, bo‘lim boshliqlari hamda yetakchi-professor-o‘qituvchilar, jamoat tashkilotlari vakillari kiritilishi mumkin. Ilmiy kengash tarkibi Institut rektorining buyrug‘i bilan tasdiqlanadi va turli sabablarga ko‘ra tarkibdan chiqqanlar o‘rniga, yangi aʼzolar mazkur Nizom asosida kiritiladi.

O‘zbekiston Respublikasi Oliy attestatsiya komissiyasining 2023-yil 29-dekabrdagi 347/5-son rayosat qarori 1-ilovasiga muvofiq, A.Avloniy nomidagi Pedagoglarni kasbiy rivojlantirish va yangi metodikalarga o‘rgatish milliy-tadqiqot instituti huzuridagi ilmiy darajalar beruvchi PhD.28/30.12.2019.Ped.68.01 raqamli Ilmiy kengash hamda mazkur Ilmiy kengash qoshidagi Ilmiy seminar tarkibi qayta ro‘yxatdan o‘tkazilgan holda tasdiqlandi.

Mazkur ilmiy darajalar beruvchi  PhD.28/30.12.2019.Ped.68.01 raqamli Ilmiy kengash hamda mazkur Ilmiy kengash qoshidagi Ilmiy seminar tarkibiga institutda ilmiy-tadqiqot faoliyatining samaradorligi va natijadorligini oshirish, ilmiy va ilmiy-pedagogik kadrlarni tayyorlash, ilmiy natijalarni keng muhokama etishni tashkil etish maqsadida tajribali va ilmiy natijalarga ega salohiyatli soha mutaxassislari kiritildi.

Shuningdek, Ilmiy kengashda Respublikaning barcha hududlarida ilmiy faoliyat olib borayotgan tadqiqotchilar uchun quyidagi ixtisosliklar:

13.00.02-Ta’lim va tarbiya nazariyasi va metodikasi(maktab ta’limi yo‘nalishi);

13.00.07-Ta’limda menejment (maktab ta’limi yo‘nalishi) bo‘yicha dissertatsiyalar himoyasiga ruxsat berildi.

Mazkur ilmiy kengash asosida quyidagi ixtisoslik 13.00.01-Pedagogika nazariyasi. Pedogogik ta’limotlar tarixi (maktab ta’limi yo‘nalishi) bo‘yicha ilmiy daraja beruvchi bir martalik ilmiy kengash  tuzishga ruxsat berildi.