Ismailov Abduvali Abdumalikovich
A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti rektori
Ismailov Abduvali Abdumalikovich
1986-yilda Toshkent shahrida tug‘ilgan. Toshkent davlat iqtisodiyot universiteti hamda Toshkent kimyo-texnologiya institutini tamomlagan. 2017-yil O‘zbekiston Respublikasi Prezidenti huzuridagi davlat boshqaruvi akademiyasida tahsil olgan. Pedagogika fanlari falsafa doktori (PhD)
Mehnat faoliyati
2006-2008 yy.-Toshkent kimyo-texnologiya institutida Axborot texnologiyalari markazi muxandis-dasturchi;
2008-2012 yy.-Toshkent kimyo-texnologiya institutida rektor yordamchisi;
2010-2012 yy.-Toshkent kimyo-texnologiya institutida Xalqaro aloqalar bo‘limi boshlig‘i;
2012-2014 yy.-Polsha Respublikasi Varshava tabiiy fanlar universitetida ilmiy stajirovka o‘tagan;
2014-2015 yy.-Toshkent kimyo-texnologiya institutida Xalqaro aloqalar bo‘limi boshlig‘i (Neft va gazni qayta ishlash texnologiyasi kafedrasi assistenti);
2015-2017 yy.-O‘zbekiston Respublikasi Prezidenti xuzuridagi davlat boshqaruvi akademiyasi tinglovchisi;
2017-2018 yy.-O‘zbekiston Respublikasi Oliy va o‘rta-maxsus taʼlim vazirligida O‘quv dasturlari va o‘quv adabiyotlarini nazorat qilish bo‘limi bosh mutaxassisi;
2018-2023 yy.-O‘zbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi huzuridagi Taʼlim sifatini baholash bo‘yicha xalqaro tadqiqotlarni amalga oshirish milliy markazi direktori;
2023-y.-. - A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti rektori.
A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti rektorining lavozim majburiyati quyidagilar:
- O‘zbekiston Respublikasi Konstitutsiyasi va qonunlari, boshqa normativ-huquqiy hujjatlar, shuningdek, institut ustavi talablariga rioya qiladi; institut va Qoraqalpog‘iston Respublikasi, viloyatlar va Toshkent shahar Pedagoglarni yangi metodikalarga o‘rgatish milliy markazlari (keyingi o‘rinlarda- Pedagogika markazlari) faoliyatiga umumiy rahbarlik qiladi, o‘quv-metodik, ilmiy-tadqiqot jarayonini, maʼnaviy-maʼrifiy ishlarni samarali tashkil etadi;
- Pedagogika markazlarining rahbarlarini lavozimga tayinlash va lavozimdan ozod etish bo‘yicha Maktabgacha va maktab taʼlimi vaziriga kelishuv xati kiritadi;
- institut xodimlarini belgilangan tartibda lavozimga tayinlaydi va lavozimidan ozod etadi hamda prorektorlar va institutning boshqa mansabdor shaxslarining vakolatlarini belgilaydi. Shuningdek, institut ilmiy bo‘limlari, bo‘limlari, markazlar va kafedralariga rahbarlik qilish borasida prorektorlar va boshqa mansabdor shaxslarning shaxsiy javobgarlik darajasini belgilaydi va prorektorlar, ilmiy bo‘lim mudirlari, bo‘limlar boshliqlari va kafedralar mudirlari hamda Pedagogika markazlari rahbarlarining hisobotlarini eshitadi;
- yuridik va jismoniy shaxslar, shu jumladan xorijiy shaxslar va tashkilotlar bilan shartnoma va bitimlar tuzadi hamda institut kengashi tavsiyalari asosida institut va Pedagogika markazlarining o‘quv-mavzu rejalar, dasturlar va ilmiy-metodik ishlar rejasini tasdiqlaydi; belgilangan tartibda institut mulki va mablag‘larini tasarruf etadi, o‘z vakolatlari doirasida buyruqlar chiqaradi va ishonchnomalar beradi;
- institut xodimlarini rag‘batlantirish va intizomiy javobgarlikka tortish masalalari to‘g‘risida qarorlar qabul qiladi; institutda olib borilayotgan ilmiy tadqiqotlar va ilmiy-metodik ishlarni muvofiqlashtiradi; qayta tayyorlash va malaka oshirishga qo‘yiladigan davlat talablari, o‘quv rejalari, o‘quv dasturlari va boshqa o‘quv-metodik hujjatlarning o‘quv jarayoniga tatbiq etilishini taʼminlaydi;
- institutda maishiy xizmatlar ko‘rsatishni tashkil etish, institut o‘quv-metodik va moddiy-texnik bazasini mustahkamlash va rivojlantirish ishlarini amalga oshiradi hamda institutning ichki tartib-qoidalarini tasdiqlaydi;
- institut faoliyatini takomillashtirish bo‘yicha kompleks dasturlar va tadbirlar, konsepsiyalar ijrosini tanqidiy va chuqur tahlil qiladi hamda institutning ilmiy va ishlab chiqarish faoliyatining yo‘nalishlarini belgilaydi, o‘rnatilgan tartibda uning yillik va istiqboldagi ish rejalarini tasdiqlaydi;
- institutning bosh moliyaviy boshqaruvchisi sifatida mablag‘lar tushumi va uni maqsadli sarflanishi uchun javob beradi va mablag‘lar sarfini maksimal darajada iqtisod qilish, ulardan samarali va maqsadli foydalanish, davlat byudjeti, bank muassasalari, taʼminotchilar, pudratchilar va boshqa tashkilotlar bilan o‘z vaqtida hisob-kitob qilish uchun institutning moliyaviy manbalari ustidan nazorat o‘rnatadi;
- xodimlar mehnati uchun yetarli shart-sharoit yaratish, mehnat qonunchiligi, mehnatni muhofaza qilish, texnika xavfsizligi, ishlab chiqarish sanitariyasi va yong‘inga qarshi himoya qoida va meʼyorlari hamda mehnat intizomiga rioya qilinishini taʼminlaydi; moddiy, moliyaviy va mehnat resurslaridan samarali foydalanish yuzasidan chora-tadbirlar belgilaydi;
- institut tuzilmasi va xodimlar mehnatini tashkil etishni takomillashtirish ishlariga rahbarlik qiladi hamda tasdiqlangan rejalar va loyiha-smeta hujjatlariga muvofiq qurilish, qayta tiklash, shuningdek, asosiy fondlarni to‘liq taʼmirlash ishlariga boshchilik qilish, qurilgan obyektlar va olingan asbob-uskunalarni o‘z vaqtida ishga tushirishni taʼminlaydi;
- xodimlarni o‘rnatilgan tartibda attestatsiyadan o‘tkazish, yangi muddatga lavozimlarga saylash va bo‘shab qolgan o‘rinlarga tanlov asosida nomzodlarni tayinlashni tashkil etadi;
- doimiy ravishda xodimlar malakasini oshirish, stajer-tadqiqotchi-izlanuvchi va katta ilmiy xodim-izlanuvchi instituti orqali tegishli ixtisosliklar bo‘yicha kadrlar tayyorlashni taʼminlaydi hamda xodimlarni moddiy va maʼnaviy rag‘batlantirish, ularning mehnat, yashash va madaniy-maishiy sharoitlarini yaxshilash yuzasidan chora-tadbirlar ko‘radi;
- ilmiy yoki ixtisoslashtirilgan kengashning raisi bo‘lib, uning faoliyatini boshqaradi;
- institut va Pedagogika markazlari faoliyati ustidan umumiy rahbarlik qiladi, xalqaro hamkorlik ishlarini tashkil qiladi hamda jamoa shartnomasining rahbariyatga tegishli bandlarining bajarilishini taʼminlaydi;
- O‘zbekiston Respublikasining “Taʼlim to‘g‘risida”gi Qonuni, O‘zbekiston Respublikasi Prezidentining Farmonlari, Qarorlarida belgilangan vazifalar ijrosi yuzasidan Vazirlar Mahkamasi va vazirlikning buyruq va hayʼat qarorlari ijrosini o‘z vaqtida sifatli bajarilishini taʼminlash va bu borada xodimlar masʼuliyatini oshirish choralarini ko‘radi.
Burxonxo‘jayeva Xushnamo Madaminovna
Akademik faoliyat bo‘yicha prorektor
Burxonxo‘jayeva Xushnamo Madaminovna
Maktabgacha va maktab taʼlimi vazirining tegishli buyrug‘iga muvofiq, A.Avloniy nomidagi pedagogik mahorat milliy institutining Akademik faoliyat bo‘yicha prorektori lavozimiga tayinlandi.
Xushnamo Burxonxo‘jayeva - Farg‘ona davlat universiteti va Toshkent Vebster universitetini tamomlagan.
Mehnat faoliyatini maktab taʼlimi tizimida boshlagan. Pedagogik tajribadan keyin Prezident taʼlim muassasalari agentligi huzuridagi Pedagogik mahorat va xalqaro baholash ilmiy-amaliy markazida faoliyat ko‘rsatgan.
Bugunga qadar A.Avloniy nomidagi pedagogik mahorat milliy institutining Rahbar kadrlarning bilim darajasi va kasbiy mahoratini baholash markazi direktori lavozimida faoliyat yuritgan.
Pedagoglarni kasbiy rivojlantirish bo‘yicha prorektorining lavozim majburiyati quyidagilar:
- institutda malaka oshirish oʻquv jarayoni boʻyicha yuqori malakali kadrlarni tayyorlash jarayonlarini tashkil etadi;
- institut kafedralarining oʻquv, metodik faoliyatini muvofiqlashtiradi;
- axborot kommunikasiya texnologiyalari va texnik ta'minot, axborot-resurs markazlari, ilmiy va pedagogik xizmatlar koʻrsatish, shu jumladan qayta tayyorlash kurslarini tashkil etish ishlariga rahbarlik qiladi;
- tashkilotdagi tayyor ishlanmalarni xalq xoʻjaligining turli xil tarmoqlarida samarali joriy etish uchun marketing faoliyatini boshqaradi xorijiy ilmiy markazlar, ishlab chiqarish korxonalari, konsern,xolding, firmalar bilan belgilangan tartibda aloqa oʻrnatadi, qoʻshma korxonalar tashkil etish yoʻl-yoʻriqlarini izlaydi;
- ishlab chiqarishni texnik jihozlash va uning samaradorligini oshirish rejalarini tuzishda qatnashadi;
- institutning xoʻjalik faoliyati bilan bogʻliq ishlariga rahbarlik qiladi;
- xoʻjalik jihozlari, avtotransport texnikasi, asbob-uskunalar, texnika vositalarini saqlash hamda ularni qayta tiklash va oʻrnini toʻldirib borish, shuningdek, binolar va ularning atrofida tozalikka rioya qilishni ta'minlaydi;
- binolarning texnik holati va tashqi koʻrinishini kuzatib boradi va ularni oʻz muddatida tuzatish chora-tadbirlarini koʻradi;
- xodimlarni yozuv-chizuv vositalari va kundalik xoʻjalik buyumlari bilan ta'minlaydi;
- moddiy, moliyaviy va mehnat resurslaridan samarali foydalanish yuzasidan choratadbirlar belgilaydi va uning bajarilishini nazorat qiladi;
- institutga tegishli binolar, xonalar, asbob-uskunalar va qurilmalarni ijaraga berish hujjatlarini rasmiylashtiradi va ijara shartlarining bajarilishini ta'minlaydi;
- yoʻnalishidagi boʻlimlar ishlarini vakolati doirasida nazorat qilib boradi;
- kadrlarni tanlash va joy-joyiga qoʻyish, yuqori malakali mutaxassislar bilan toʻldirish, ularning kasbiy mahoratlarini rivojlantirish boʻyicha chora-tadbirlarni amalga oshiradi;
- institutning ichki tartib-qoidalarini belgilash, uni xodimlar va tinglovchilar tomonidan bajarilishini nazorat qilishda ishtirok etadi;
- vakolati doirasida jismoniy va yuridik shaxslarning yozma va ogʻzaki murojaatlarini, ariza va shikoyatlarini koʻrib chiqadi, sanitariya-gigiena talablari, mehnatni muhofaza qilish, texnika va yongʻin xavfsizligi qoidalari talablariga rioya qiladi.
Islam Hassan Mahmoud Hassan Elhadary
2023-yil 19-sentyabrdan A.Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot institutida Xorijiy maslahatchi
Vakant
Ilmiy ishlar va innovatsiyalar bo‘yicha prorektorning lavozim majburiyatlari quyidagilar hisoblanadi:
- Institutda va Pedagogika markazlaridagi ilmiy va ilmiy-tadqiqot ishlariga rahbarlik qiladi;
- fundamental, amaliy va innovatsion tadqiqotlar bajarilishini tashkil etadi;
- rejali yo‘nalishlar bo‘yicha yillik va istiqbol ish rejalari, uslubiy, moliyaviy-smeta va shartnoma hujjatlarini tuzish, shuningdek, ularning zarur texnik-iqtisodiy jihatdan asoslashni taʼminlash va ularning bajarilishi ustidan nazorat o‘rnatadi;
- yo‘nalishlar bo‘yicha kompleks tadqiqotlar olib borishni tashkil etish va mavzular rejasining bajarilishi, ularning natijalaridan amaliyotda foydalanishni taʼminlaydi;
- texnik topshiriqlar, standartlar va boshqa meʼyoriy hujjatlar, shuningdek, hamkorlikda ish bajaruvchilar, buyurtmachilar, subpudratchi tashkilotlar bilan kelishilgan texnik hujjatlarni tayyorlaydi;
- fan va texnika yutuqlari, patentlar va ilmiy-axborot hujjatlari, hisoblash va tashkiliy texnika vositalari, ishni bajarishning ilg‘or usullaridan foydalanish uchun zarur shart-sharoitlarni yaratadi;
- dissertatsiyalar himoyasi hamda ilmiy unvonlar va ilmiy darajalar berish bilan bog‘liq hujjatlarni ko‘rib chiqadi;
- yig‘ma ilmiy-texnik hisobot yozish va tegishli tashkilotlarga taqdim etish, tadqiqot va ishlanmalarni ilmiy asarlar tarzida chop etishni amalga oshiradi;
- ishlanmalarni tajriba sinovidan o‘tkazish va amaliyotga tadbiq etishga ilmiy-uslubiy yordam ko‘rsatadi;
- xodimlarning ratsionalizatorlik takliflari va ixtirolarini keng yoyish, ularning mualliflik guvohnomasini olishlari uchun talabnomalarni belgilangan tartibda rasmiylashtirish ishlariga yordamlashadi;
- institut kengashi qarorlarining bajarilishini nazorat qiladi; ilmiy kadrlar tayyorlash va ularning malakasini oshirish bo‘yicha ish olib boradi;
- muassasaning ilmiy faoliyati bilan bog‘liq asosiy masalalarni hal etish va tasdiqlangan ish rejalarining bajarilishini taʼminlash bo‘yicha chora-tadbirlarni amalga oshirish, ularning muddatida bajarilishini taʼminlaydi;
- kadrlarni tanlash va joy-joyiga qo‘yish, yuqori malakali mutaxassislar bilan to‘ldirish, ularning kasbiy mahoratlarini rivojlantirish bo‘yicha chora-tadbirlarni amalga oshiradi;
- kadrlar zaxirasining shakllantirilishini taʼminlash ishlarida ishtirok etadi; institutning ichki tartib-qoidalarini belgilashda ishtirok etadi;
- xodimlar va tinglovchilar tomonidan bajarilishini nazorat qilishda ishtirok etadi;
- vakolati doirasida jismoniy va yuridik shaxslarning yozma va og‘zaki murojaatlarini, ariza va shikoyatlarini ko‘rib chiqadi, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qiladi; institut rektorining taʼtilda, ilmiy safarda va kasallik davrida uning vazifalarini vaqtincha bajarib turadi.