TAKLIF ETILAYOTGAN MUTAXASSISLAR:

• Loyiha menejeri;
• Respublika koordinatori;
• IT texnik mutaxassisi;
• Buxgalter;
• Hududiy koordinatorlar;
• Logistika bo‘yicha mutaxassis (Logist)
• Tarjimon (o‘zbek/rus tilida)
• Tahrirchi (o‘zbek/rus tilida)

NOMZODLARGA QO‘YILADIGAN TALABLAR:

• Oliy ma’lumotli, ta’lim sohasida yuqori malaka hamda kadrlar, normativ-huquqiy hujjatlardan xabardor, ta’limni rag‘batlantirishga oid yuqori ko‘nikmalarga ega bo‘lishi, yangi baholash tizimlarini tushunishi, moliya-buxgalteriya sohasi bo‘yicha kamida 3 yillik ish tajribasiga ega bo‘lishi;
• Zamonaviy axborot-kommunikatsiya texnologiyalaridan erkin foydalana olishi.

NOMZODNING SHAXSIY SIFATLARI:

• Muddatlarga rioya qilish, mas’uliyat, intizom va javobgarlik;
• Yangiliklarni qabul qilishga ochiqlik, kreativ fikrlash.

VAZIFALAR:

• Loyiha menejeri:
• Loyiha maqsadi va talablarini aniqlash;
• Loyiha rejasi va strategik yo‘nalishlarni ishlab chiqish;
• Loyihada ishlaydigan jamoa a’zolarini tanlash, ularga vazifalar va mas’uliyatlar berish. Jamoa a’zolarini samarali boshqarish va ularning o‘zaro hamkorligini ta’minlash;
• Loyihaga xos bo‘lgan potensial xatarlarni baholash va ularga qarshi choralarni ko‘rish. Loyihaning barcha bo‘limlarida xavf-xatarlarni minimallashtirish;
• Loyiha to‘liq amalga oshirilganidan keyin natijalarni aniqlash va loyiha ishini rasman yakunlash. Loyiha xulosasini tayyorlash va kelajakda shunga o‘xshash loyihalar uchun tavsiyalar berish;
• Ishlarni muvofiqlashtirish va ishchi guruh a’zolarining asosiy hisobotni ishlab chiqish;
• Loyihaning tatbiq etilishi va uning natijalari haqida batafsil hisobot tayyorlash;
• Dastlabki baholash hisoboti takomillashtirishda ishtirok etish.
• Respublika koordinatori:
• Seminar va treninglarni respublika darajasida boshqarish, institut va hududlarda o‘tkazilayotgan mashg‘ulotlarni jadval asosida muvofiqlashtirish, ishtirokchilar qatnashuvini nazorat qilish;
• Maktablarning raqamli tayyorgarlik darajasini tahlil qilish, tanlab olingan maktab bo‘yicha tayyorgarlik portretlarini umumlashtirish va hisobotlarni yig‘ish;
• Inklyuziv ta’lim va AKT integratsiyasini targ‘ib qilish, o‘qituvchilar va rahbarlarga metodik ko‘mak berish, raqamli va inklyuziv ta’lim bo‘yicha rivojlantirish rejalarini ishlab chiqishda yo‘l-yo‘riq ko‘rsatish;
• Xalqaro ekspertlar va UNICEF bilan hamkorlikni muvofiqlashtirish, seminar treninglarda ularning ishtirokini ta’minlash, tayyorlangan metodik materiallarni milliy sharoitga moslashtirish;
• Raqamli o‘quv laboratoriyalarini joriy etishga ko‘maklashish – STEM uskunalari, EdTech va yordamchi texnologiyalarni sinflarga tatbiq etishda hududiy markazlarga amaliy yordam ko‘rsatish.
• Monitoring va baholash tizimini yuritish, maktab va hududiy darajadagi ma’lumotlarni yig‘ish, tahlil qilish va UNICEF hamda vazirlikka muntazam hisobot taqdim etish;
• Ilg‘or tajribalarni ommalashtirish, hududlarda olingan natijalarni umumlashtirish, ommaviy axborot vositalari va raqamli platformalar orqali targ‘ib qilish, maktablararo tajriba almashuvini yo‘lga qo‘yish;
• Maktablar uchun inklyuziv ta’lim bo‘yicha yo‘riqnoma va qoidalar bo‘yicha taklif va tavsiyalar berish;
• UNICEF bilan hamkorlikda tashkil etiladidan Ishchi guruhning tegishli uchrashuv va yig‘ilishlarida ishtirok etish.

• IT texnik mutaxassisi:
• Maktablarda internet va raqamli uskunalarni tahlil qilish;
• Mavjud muammolar bo‘yicha infratuzilmani yaxshilash bo‘yicha takliflar berish;
• Texnik xizmat va xavfsizlik masalalarida ma’lumotlar berish;
• AKT infratuzilmasi joriy qilish bo‘yicha mavjud standartlar, qonunchilikda belgilangan talablar bo‘yicha ma’lumotlar paketini tayyorlash;
• Maktablarda raqamli infratuzilma joriy qilish jarayonini yaxshilash bo‘yicha tavsiyalar ishlab chiqish;
• UNICEF bilan hamkorlikda tashkil etiladidan Ishchi guruhning tegishli uchrashuv va yig‘ilishlarida ishtirok etish;
• Dastlabki baholash hisoboti loyihasini ko‘rib chiqish hamda takomillashtirishda ishtirok etish;
• Yangi raqamli va STEM o‘quv laboratoriyalari (raqamli o‘quv qurilmalari, vositalar va dasturiy ta’minot) uchun standart, texnik yo‘riqnoma va yo‘l xaritalari tayyorlashda ishtirok etish.

• Buxgalter:
• Loyihani amalga oshirish chora-tadbirlariga monand hisob siyosatini shakllantirish;
• Hisobotlarni va buxgalteriya hisobotlarini o‘z vaqtida tayyorlash;
• To‘lov hisob-kitoblari, to‘lovlar va soliqlarning turli darajadagi budjetlarga o‘tkazmalari va hisob-kitoblarini hamda bank muassasalariga to‘lovlarni tayyorlashni ta’minlash;
• Moliya masalalari bo‘yicha normativ, Qonunchilik va huquqiy hujjatlar talablariga rioya etilishini nazorat qilish;
• Buxgalteriya hujjatlarini ro‘yxatga olishning to‘g‘riligi va o‘z vaqtidaligini nazorat qilish;
• Loyiha ishtirokchilariga ish haqini o‘z vaqtida to‘lash choralarini ko‘rish.
• Hududiy koordinatorlar:
• Raqamli va inklyuziv ta’lim resurslarini tahlil qilish – mavjud resurslarning o‘quv dasturlari va inklyuziv ta’lim tamoyillariga mos kelishini o‘rganish;
• Yangi o‘quv materiallarini ishlab chiqishda ishtirok etish – raqamli ta’lim resurslari, qo‘shimcha ko‘rgazmali vositalar va inklyuziv ta’limga mos materiallarni yaratishda metodik ko‘mak berish;
• Interfaol platformalarni joriy etish bo‘yicha takliflar tayyorlash – zamonaviy o‘quv platformalari, mobil ilovalar va maxsus ehtiyojli o‘quvchilar uchun qulay raqamli vositalarni tanlab, ulardan foydalanish bo‘yicha tavsiyalar ishlab chiqish;
• Darslik va o‘quv materiallarini raqamlashtirishni qo‘llab-quvvatlash – elektron darsliklar, audio-kitoblar, subtitrli videodarslar va imkoniyati cheklangan o‘quvchilar uchun moslashtirilgan resurslarni tayyorlash bo‘yicha ma’lumotlarni yig‘ish;
• Hamkorlikda yig‘ilishlarda ishtirok etish – UNICEF va Respublika ishchi guruhi tomonidan tashkil etiladigan uchrashuv va yig‘ilishlarda faol qatnashish, hududiy muammolar va tajribalarni taqdim etish;
• Dastlabki baholash hisobotlarini ko‘rib chiqish – pilot maktablarda inklyuziv va raqamli ta’lim joriy etilishi bo‘yicha hisobotlarni tahlil qilish, takomillashtirish bo‘yicha takliflar berish;
• STEM va raqamli laboratoriyalarni rivojlantirishga hissa qo‘shish – yangi raqamli o‘quv qurilmalari, vositalar va dasturiy ta’minot uchun standart, texnik yo‘riqnoma va yo‘l xaritalarini ishlab chiqishda ishtirok etish;
• Pilot maktablarda inklyuziv ta’limni qo‘llab-quvvatlash – nogironligi bo‘lgan, ijtimoiy himoyaga muhtoj va turli ehtiyojli o‘quvchilar uchun raqamli resurslardan foydalanish imkoniyatlarini kengaytirishga ko‘maklashish.

• Hududiy IT texnik mutaxassisi

Maktablarda internet va raqamli uskunalarni tahlil qilish;

• Mavjud muammolar bo‘yicha infratuzilmani yaxshilash bo‘yicha takliflar berish;
• Texnik xizmat va xavfsizlik masalalarida ma’lumotlar berish;
• AKT infratuzilmasi joriy qilish bo‘yicha mavjud standartlar, qonunchilikda belgilangan talablar bo‘yicha ma’lumotlar paketini tayyorlash;
• Maktablarda raqamli infratuzilma joriy qilish jarayonini yaxshilash bo‘yicha tavsiyalar ishlab chiqish;
• UNICEF bilan hamkorlikda tashkil etiladidan Ishchi guruhning tegishli uchrashuv va yig‘ilishlarida ishtirok etish;
• Dastlabki baholash hisoboti loyihasini ko‘rib chiqish hamda takomillashtirishda ishtirok etish;
• Yangi raqamli va STEM o‘quv laboratoriyalari (raqamli o‘quv qurilmalari, vositalar va dasturiy ta’minot) uchun standart, texnik yo‘riqnoma va yo‘l xaritalari tayyorlashda ishtirok etish

• Logistika bo‘yicha mutaxassis (Logist):
• Hujjatlarni tayyorlash va ularni tartibga solish;
• Loyiha ishtirokchilari bilan fuqarolik-huquqiy shartnomalarni rasmiylashtirish;
• Uchrashuvlar, konferensiyalar, seminarlar va boshqa tadbirlarni tashkil qilish;
• Uchrashuvlar va ish jarayonlarini samarali tarzda muvofiqlashtirish;
• Hujjatlarni tashkil qilish, ishlab chiqish, tahrirlash va ro‘yxatga olish;
• Hujjatlarni tuzish va ularni moslashtirish (qonunchilik, hisobotlar, ish topshiriqlari, xatlar va boshqalar);
• Ma’lumotlarni kiritish va tasdiqlash, hisobotlarni tayyorlash.
• Tarjimon (o‘zbek/rus tilida)
• Tarjima materiallarini tahlil qilish, o‘quv materiallari va metodik qo‘llanmalarni o‘zbek va rus tillarida mazmunan to‘g‘ri, aniq va tushunarli tarjima qilish;
• Yangi materiallarni tarjima qilishda ishtirok etish, raqamli ta’lim resurslari, o‘quv dasturlari, qo‘shimcha materiallar hamda inklyuziv ta’limga oid hujjatlarni sifatli tarjima qilish;
• Terminologik birxillikni ta’minlash, pedagogik, metodik va texnik terminlarning o‘zbek va rus tillarida yagona va to‘g‘ri qo‘llanilishini ta’minlash;
• Raqamli kontent tarjimasini qo‘llab-quvvatlash, elektron darsliklar, audio va video materiallar (subtitrlar, transkripsiyalar) hamda interfaol platformalardagi kontentni tarjima qilish va moslashtirish;
• Yig‘ilish va uchrashuvlarda ketma-ket yoki sinxron tarjimani amalga oshirish;
• Hujjatlarni tahrirlash va tekshirish, tarjima qilingan matnlarni stilistik, grammatik va mazmuniy jihatdan tekshirish, sifatini oshirish bo‘yicha takliflar berish;
• Inklyuziv til me’yorlariga rioya qilish, nogironligi bo‘lgan shaxslar va turli ehtiyojli guruhlarga nisbatan to‘g‘ri, aniq va inklyuziv ifodalarni qo‘llash;
• Loyiha hujjatlarini ikki tilli yuritishga ko‘maklashish, hisobotlar, tahliliy materiallar va boshqa rasmiy hujjatlarning o‘zbek va rus tillarida tayyorlash.

• Tahrirchi (o‘zbek/rus tilida)
• Matn va materiallarni tahlil qilish, o‘quv materiallari, metodik qo‘llanmalar va rasmiy hujjatlarning mazmunan aniqligi, mantiqiy izchilligi va til me’yorlariga mosligini tekshirish;
• Tahrir jarayonida ishtirok etish, raqamli ta’lim resurslari, o‘quv dasturlari va inklyuziv ta’limga oid materiallarni stilistik, grammatik va mazmuniy jihatdan tahrirlash;
• Til me’yorlariga rioya etilishini ta’minlash, o‘zbek va rus tillarining adabiy normalari, imlo qoidalari va uslubiy talablarga muvofiqligini nazorat qilish;
• Terminologik uyg‘unlikni nazorat qilish, pedagogik, metodik va texnik atamalarning yagona va to‘g‘ri qo‘llanilishini ko‘rib chiqish, zarur hollarda tavsiyalar ishlab chiqish;
• Raqamli kontentni tahrirlashni qo‘llab-quvvatlash, elektron darsliklar, audio va video materiallar (subtitrlar, skriptlar) hamda interfaol platformalardagi matnlarni sifat jihatdan yaxshilash;
• Hujjatlarni yakuniy ko‘rib chiqish, tarjima qilingan va mualliflik materiallarini yakuniy tahrirdan o‘tkazish, nashrga tayyor holatga keltirish;
• Inklyuziv til tamoyillariga amal qilish, turli ehtiyojli guruhlar, nogironligi bo‘lgan shaxslar va ijtimoiy jihatdan himoyaga muhtoj qatlamlarga nisbatan aniq va to‘g‘ri ifodalarni qo‘llash;
• Hamkorlikda ishlash, tarjimonlar, metodistlar va loyiha ishtirokchilari bilan yaqin hamkorlikda ishlash, materiallar sifatini oshirish bo‘yicha takliflar berish;
• Pilot materiallarni tahrirlash, sinov (pilot) maktablar uchun tayyorlanayotgan o‘quv materiallarini tahrir qilish.

Talabgorlar 2026-yil 30-martga qadar A.Avloniy nomidagi pedagogik mahorat milliy instituti Inson resurslarini rivojlantirish bo‘limiga quyidagi hujjatlarni topshirishlari lozim:

• Belgilangan vazifalar bo‘yicha tijorat taklifi;
• Ma’lumotnoma (Obektivka) (CV);
• Diplom, pasport nusxalarini topshirishlari so‘raladi.

Manzil: Toshkent shahri, Olmazor tumani, Ziyo ko‘chasi, 6-uy.
Murojaat uchun telefon: (55) 508-06-67