A.Avloniy nomidagi pedagogik mahorat milliy instituti tomonidan nashr etiladigan “Maktab ta’limi: muammolar, izlanishlar, yechimlar” ilmiy-nazariy va o‘quv-uslubiy jurnalining navbatdagi soni uchun maqolalar qabuli boshlandi.

Jurnalning afzalliklari:
— O‘zbekiston Respublikasi Milliy kutubxonasi tomonidan 373.3/.5 UO‘K bilan indekslangan;
— ISSN: 3060-4788 raqamiga ega;
— Oliy attestatsiya komissiyasi tomonidan dissertatsiyalarning asosiy ilmiy natijalarini chop etish tavsiya etilgan ilmiy nashrlar ro‘yxatiga kiritilgan;
— Crossref va Zenodo platformalari orqali DOI olish imkoniyati yo‘lga qo‘yilgan;
— xalqaro ilmiy ma’lumotlar omborlarida indeksatsiyalanadi.

Jurnal O‘zbekiston Respublikasi Prezidentining 2021-yil 25-yanvardagi PQ–4963-son qarori asosida ta’sis etilgan bo‘lib, Ommaviy axborot kommunikatsiyalari agentligi tomonidan davlat ro‘yxatidan o‘tkazilgan. Jurnal 2024-yil 11-sentabrdagi № 392864-sonli guvohnomaga ega.

Maqolalarga qo‘yiladigan talablar jurnal saytida belgilangan.

Ilmiy-nazariy va o‘quv-uslubiy jurnalda maqola chop ettirish istagida bo‘lgan mualliflar maqolalarini 2026-yil 31-oktabrga qadar journal.avloniy.uz platformasi orqali yuborishlari mumkin.