Institut PISA 2025 tadqiqotining asosiy sinov jarayonlarini oʻtkazish uchun taʼlim sohasidagi tajribali mutaxassislarni Test administratorlikka shartnoma asosida ishga taklif etadi!

TAKLIF ETILAYOTGAN MUTAXASSISLAR:

Test administratorlar

NOMZODLARGA QOʻYILADIGAN TALABLAR:

- Oliy maʼlumot, malaka hamda kamida ta’lim sohasida 3 yillik ish tajribasiga ega boʻlish;
- Oʻzbek, rus va ingliz tillarini bilish;
- Kompyuterda ishlash koʻnikmalariga ega boʻlish;
- Sinov oʻtkazish boʻyicha yoʻriqnomalarni oʻzlashtira olish va amaliyotda toʻgʻri qoʻllay olish;
- Xalqaro tadqiqotlar (PISA, TIMSS, PIRLS, TALIS) haqida to‘liq ma’lumotga ega bo‘lish.

NOMZODNING SHAXSIY SIFATLARI:

- Muddatlarga qatʼiy rioya qilish, masʼuliyat va javobgarlik;
- Yangiliklarga ochiqlik, kreativ fikrlash;
- Jamoada ishlash qobiliyati;
- Murakkab vaziyatlarda ham samarali ishlash qobiliyati;
- Tashabbuskorlik va oʻz vazifalariga ijodiy yondashish.

VAZIFA:

- Test administratorlari uchun tashkil etiladigan treninglarda ishtirok etish;
- Test administratorlari uchun belgilangan materiallarni koʻrib chiqish;
- Sinov materiallari xavfsizligini taʼminlash;
- Maktab koordinatorlari bilan sinov jarayoni rejalarini koʻrib chiqish;
- Sinov jarayoni uchun zarur boʻlgan barcha materiallarni tayyorlash;
- Belgilangan sinov kuni maktabga vaqtida yetib borish va jarayon uchun tayyorgarlikni amalga oshirish;
- Sinov sessiyalarini PISA 2025 tadqiqoti yoʻriqnomalarida belgilangan tartibda oʻtkazish;
- Sinov sessiyalari yakunlangandan soʻng tegishli materiallarni belgilangan masʼullarga qaytarish;
- Sinov sessiyalar yakunlangandan soʻng sessiya toʻgʻrisida tegishli masʼullarga hisobot berish;

Talabgorlar 2025-yil 24-aprelga qadar A.Avloniy nomidagi pedagogik mahorat milliy institutining inson resurslarini rivojlantirish boʻlimiga quyidagi hujjatlarni topshirishlari lozim:

- Belgilangan vazifalar boʻyicha tijorat taklifi;
- Maʼlumotnoma (Obyektivka);
- Diplom va pasport nusxalari;

Manzil: Toshkent shahar, Olmazor tumani, Ziyo koʻchasi, 6-uy
Murojaat uchun telefon: +99855 508 06 67