O‘zbekiston Respublikasi Maktabgacha va maktab ta'limi vazirining 2024-yil 25-iyuldagi 224-son buyrug‘i asosida 2-sinfda "Informatika va axborot texnologiyalari" fani hamda 5-sinf "Tabiiy fan (Science)"ni o‘qitish bo‘yicha qisqa muddatli o‘quv kurslarini tashkil etish belgilangan.

Shu maqsadda, 2024-yilning 1-avgustidan umumiy o‘rta ta'lim muassasalarining Boshlang‘ich sinf o‘qituvchilari uchun "Informatika va axborot texnologiyalari" hamda Biologiya, Fizika va Geografiya fanlari o‘qituvchilari uchun "Tabiiy fan (Science)" bo‘yicha qisqa muddatli o‘quv kurslariga start berildi.

O'qituvchilarga qo'shimcha imkoniyat yaratish maqsadida ushbu kurslar "Uzluksiz kasbiy ta'lim" elektron platformasida (onlinedu.uz) joylashtirilgan. Platformadagi profilingizga kirib, Maqsadli kurslar menyusi orqali ushbu kurslarni o‘qishingiz mumkin.

Kurslarni to‘liq o‘zlashtirgan o‘qituvchilarga platforma orqali tegishli mazmundagi sertifikatlar taqdim etiladi. 

Eslatma: Agar siz Boshlang‘ich ta'lim o‘qituvchisi bo‘lib "Uzluksiz kasbiy ta'lim" elektron platformasi orqali ro‘yxatdan o‘tgan bo‘lsangiz Informatika va axborot texnologiyalari fanidan hamda Biologiya, Fizika va Geografiya fanlari o‘qituvchilari bo‘lib ro‘yxatdan o‘tgan bo‘lsangiz 5-sinf "Tabiiy fan (Science)" bo‘yicha qisqa muddatli o‘quv kursda o‘qishingiz mumkin. Bunda faningizni o‘zgartirishingiz shart emas.