O‘zbekiston Respublikasi Vazirlar Mahkamasining 2026-yil 24-apreldagi 202-son qarori ilovasining 42-bandida belgilangan vazifalar ijrosini ta’minlash maqsadida A. Avloniy nomidagi pedagogik mahorat milliy instituti bo‘lim va kafedra xodimlari ishtirokida huquqiy nigilizm mavzusida targ‘ibot tadbiri o‘tkazildi.

Tadbir davomida ishtirokchilarga huquqiy nigilizm, uning kelib chiqish sabablari va oqibatlari, shuningdek, unga qarshi kurashish va oldini olishga qaratilgan kompleks choralar haqida tushunchalar berildi. Mavzuga oid videoroliklar namoyish etildi.

Tadbirda institut xodimlari faol ishtirok etib, zamonaviy jamiyatda qonuniylikni mustahkamlash hamda inson huquqlarini himoya qilishning muhim jihatlari yuzasidan o‘z fikr-mulohazalarini bildirdilar.