Bugun A.Avloniy nomidagi pedagogik mahorat milliy institutida Maktabgacha va maktab taʼlimi vaziri oʻrinbosari Temur Komilov Shveysariyaning Oʻzbekistondagi Favqulodda va muxtor elchisi Konstantin Obolenskiy hamda Shveysariya Taraqqiyot va hamkorlik agentligi Bosh direktor oʻrinbosari Kristian Frutigerlar bilan uchrashdi.

Unda ikki davlat oʻrtasida olib borilayotgan qator hamkorlik aloqalari, jumladan “Uzbekistan Vision 2030” jamgʻarmasi mablagʻlari hisobidan amalga oshirilayotgan loyihalar  xususida toʻxtalib oʻtildi.

Mazkur loyihadan koʻzlangan asosiy maqsad:

➖ inklyuziv taʼlim infratuzilmasini rivojlantirish orqali aholining barcha qatlamlari uchun sifatli taʼlim olish imkoniyatlarini kengaytirish;
➖ taʼlim muassasalari inftratuzilmasi hamda sanitariya-gigiyena sharoitlarini yanada yaxshilash;
➖ pedagoglarni qayta tayyorlash va malakasini oshirish tizimini yanada rivojlantirishdan iborat.

Tadbir davomida mazkur loyiha doirasidagi masalalar atroflicha muhokama qilindi hamda kelgusi muhim vazifalar belgilab olindi.