Maktabgacha va maktab ta’limi vazirligi, A.Avloniy nomidagi pedagogik mahorat milliy instituti hamda Finlyandiyaning EDUFI agentligi hamkorligida seminar-trening boshlandi.

Trening mashg‘ulotlari Finlyandiyaning EDUFI agentligi direktori Minna Koutaniemi hamda 8 nafar tajribali mentorlari tomonidan olib borilmoqda.

Ular O‘zbekiston ta‘lim tizimini zamonaviylashtirishga xizmat qiluvchi xalqaro tajriba va metodikalar bilan o‘rtoqlashmoqdalar.

Seminar-treningda respublikamizning barcha hududlaridan jami 125 nafar maktab direktorlari, o‘qituvchi va metodistlari jalb etilgan bo‘lib, ular ilg‘or xorijiy tajriba asosida bilim va ko‘nikmalarni egallamoqdalar.

Treninglar 2025-yil 14-iyunga qadar davom etadi.