Kuni kecha A.Avloniy nomidagi pedagogik mahorat milliy instituti va Toshkent amaliy fanlar universiteti o‘rtasida hamkorlik memorandumi imzolandi.

Unga ko‘ra tomonlar o‘rtasida:

O‘quv rejalari, fan dasturlari, o‘quv adabiyotlarini xalqaro talablar asosida ishlab chiqish;

talabalarni kelajakda egallaydigan mutaxassisliklari bo‘yicha professional tayyorgarligini oshirish hamda amaliy ish ko‘nikmalarini rivojlantirish maqsadida qo‘shma to‘garaklarni tashkil etish;

ta‘lim, ilm-fan va ishlab chiqarish o‘rtasida integratsiyani chuqurlashtirish uchun hamkorlikda ilmiy maqolalar tayyorlash va ularni nashr qilish;

konferensiyalar, simpoziumlar, seminarlar va boshqa turdagi tadbirlar o‘tkazish;

professor-o‘qituvchilar, tayanch doktorantlar, mustaqil izlanuvchilar va iqtidorli talabalarning ilmiy-tadqiqot salohiyati bo‘yicha davra suhbatlari, o‘quv seminarlarini tashkil qilish kabi yo‘nalishlar bo‘yicha hamkorlik o‘rnatildi.