A.Avloniy nomidagi pedagogik mahorat milliy institutida o‘tkazilayotgan mashg‘ulotlar Toshkent Fransuz allyansi o‘qituvchilari hamda Fransiyaning Francophonia til markazi o‘qituvchilari tomonidan olib borilmoqda.

Mazkur o‘quvlardan ko‘zlangan maqsad, umumiy o‘rta ta‘lim maktablarida fransuz tilini o‘qitishning zamonaviy usullarini joriy etish, fransuz tili fani o‘qituvchilarining salohiyatini oshirish va ularning bilimlarini rivojlantirish hamda ularning malakasini tasdiqlovchi DELF B2 imtihonlariga tayyorlashdan iborat.

Treninglar keyingi bosqichida fransuz tili fani o‘qituvchilarini Fransiyaning nufuzli o‘quv markazlariga malaka oshirish kurslariga yuborish reja qilingan.