Bugun A.Avloniy nomidagi pedagogik mahorat milliy institutida Fransiyaning O‘zbekistondagi elchixonasi taʼlim va hamkorlik bo‘yicha mintaqaviy attashesi Serj Bellini bilan uchrashuv o‘tkazildi.

Uchrashuvda fransuz tili fani o‘qituvchilari uchun KRK va KRS tadbirlarini tashkil qilish va 30 nafar o‘qituvchilarni Fransiyaning Francophonia til markazida malakasini oshirib, mentorlikka tayyorlash kabi masalalari bo‘yicha muzokaralar olib borildi.

Taʼlim va hamkorlik bo‘yicha mintaqaviy attashe Serj Bellini fransuz tili o‘qituvchilari uchun KRK va KRS tadbirlarini yuqori saviyada tashkil etishda hamkorlikka tayyorligini maʼlum qildi.