A.Avloniy nomidagi pedagogik mahorat milliy institutida Maktabgacha va maktab taʼlimi vazirligi tomonidan YUNESKO tashkiloti, M.Gandi nomidagi Tinchlik va barqaror taraqqiyot uchun Ta’lim instituti va Qori Niyoziy nomidagi Tarbiya pedagogikasi milliy instituti hamkorligida o‘qituvchilar uchun Ijtimoiy-hissiy taʼlim (SEL) dasturi bo‘yicha o‘quv treninglarga start berildi.

Ushbu dasturdan ko‘zlangan maqsad – O‘zbekiston taʼlim sifati, o‘qituvchi va o‘quvchilar farovonligini mustahkamlash hamda milliy islohotlarni global taʼlim ustuvor yo‘nalishlariga uyg‘unlashtirishdan iborat.

Mazkur dastur ilk bora amaliyotga joriy etilmoqda va bu galgi o‘quvlarda 40 nafar ustoz o‘z bilim va mahoratlarini oshiradilar.

Dastur doirasida YUNESKOning rasmiy platformasida o‘zbek tilida joylashtirilgan “Ijtimoiy-hissiy murabbiy” nomli onlayn platformaning taqdimoti ham o‘tkazildi.

2 kun davom etadigan o‘quv kurslarida:

Rahmdillik  (o‘z-o‘zini anglash, o‘ziga rahmdil bo‘lish ko‘nikmalarini shakllantirish),

Taʼlim oluvchilar bilan sog‘lom munosabatlar o‘rnatish,

“Ijtimoiy-hissiy murabbiy” onlayn platformasi bilan tanishish va ishlash rejalashtirilgan.

Shuningdek, ustozlar o‘quv mashg‘ulotlari doirasida shoʻbalarga bo‘lingan holda taqdimotlar bilan ishlaydilar va namoyish etadilar.