Polshada o‘tkazilayotgan PIRLS 2026 tadqiqoti doirasida Milliy loyiha koordinatorlarining beshinchi uchrashuvida A.Avloniy nomidagi pedagogik mahorat milliy instituti  mutaxassislari ishtirok etmoqda

Joriy yilning 17-22-avgust kunlari Taʼlimdagi yutuqlarni baholash xalqaro assotsiatsiyasi (IEA) tomonidan Polshaning Varshava shahrida PIRLS 2026 tadqiqoti doirasida Milliy loyiha koordinatorlarining beshinchi uchrashuvi o‘tkazilmoqda.

Mazkur uchrashuvda IEA (Gamburg va Amsterdam), TIMSS&PIRLS Xalqaro tadqiqot markazi, RTI tashkilotlari hamda dunyoning 50 dan ortiq mamlakatlari qatorida O‘zbekiston vakili sifatida A.Avloniy nomidagi pedagogik mahorat milliy instituti  mutaxassislari ishtirok etishmoqda.

Xalqaro uchrashuvda PIRLS 2026 tadqiqotining tajriba-sinov natijalari asosida baholash materiallari va so‘rovnomalar ko‘rib chiqilmoqda.

Shuningdek, tadqiqot materiallarini tayyorlash, tanlab olish jarayonlari, maʼlumotlarni boshqarish hamda sunʼiy intellekt yordamida avtomatik baholash bilan bog‘liq masalalar muhokama qilinadi.