A.Avloniy nomidagi pedagogik mahorat milliy institutida “Jasorat maktablari” o‘qituvchilari uchun maxsus malaka oshirish kurslari boshlandi.

Jasorat maktablarida chuqurlashtirib o‘qitiladigan fan yo‘nalishlari bo‘yicha o‘qituvchilar kasbiy salohiyatini oshirish maqsadida tashkil etilgan ushbu kurslarda Respublika umumtaʼlim maktablarida matematika, fizika, tarix, ingliz tili hamda jismoniy tarbiya fanlaridan dars berayotgan pedagoglar ishtirok etmoqda.

Kurslarning asosiy maqsadi — o‘qituvchilarning kasbiy mahoratini oshirish, ta‘lim jarayoniga innovatsion metodlarni tatbiq etish va amaliy faoliyatini samarali tashkil etishga ko‘maklashishdan iborat.

Seminarning asosiy yo‘nalishlari:

✨ O‘qituvchilarning ilmiy-metodik tayyorgarligini rivojlantirish;
✨5E va 4K modellari asosida darslarni loyihalash;
✨Raqamli ta‘lim texnologiyalari va elektron platformalardan samarali foydalanish;
✨Interfaol metodlar va muammoli o‘quvchilar bilan ishlash;
✨Baholashning zamonaviy yondashuvlari — formativ va summativ usullar;
✨Kasbiy motivatsiya va muloqot madaniyatini mustahkamlash.

Mazkur tashabbus ta‘lim sifatini oshirish, o‘qituvchilarni innovatsion yondashuvlarga tayyorlash va ularning kasbiy hamda shaxsiy salohiyatini yangi bosqichga ko‘tarishga xizmat qiladi.