A.Avloniy nomidagi pedagogik mahorat milliy instituti masʼullari PIRLS 2026 tadqiqotining asosiy sinov jarayonlariga tayyorgarlik doirasida Taʼlimdagi yutuqlarni baholash xalqaro assotsiatsiyasi (IEA) tomonidan oʻtkazilgan xalqaro treningda ishtirok etdilar. 

PIRLS 2026 tadqiqotining kontekst soʻrovnomalarini tayyorlash jarayonlariga bagʻishlangan maxsus treningda ishtirokchilarga StudyExpert dasturi yordamida kontekst soʻrovnoma materiallarini moslashtirish va tarjima qilish jarayonlari hamda dasturning tajriba-sinovdan soʻng qoʻshilgan yangi imkoniyatlari batafsil tushuntirib berildi.

Ushbu treninglarda masʼullarning ishtiroki Oʻzbekistonda PIRLS 2026 tadqiqotini yuqori saviyada tashkil etish, xalqaro talablarga mos natijalarni taʼminlash hamda milliy ekspertlar salohiyatini oshirishga xizmat qiladi.