Bugun tanlovning ikkinchi kuni davom etmoqda. Unda respublika bo‘ylab, jumladan, Toshkent shahri, Qoraqalpog‘iston Respublikasi hamda boshqa hududlardagi umumiy o‘rta ta’lim maktablarining 4-sinf o‘quvchilari faol ishtirok etmoqdalar.

Tanlov jarayonida o‘quvchilarning o‘qish savodxonligi darajasi, matnni tushunish va tahlil qilish, shuningdek, mantiqiy fikrlash ko‘nikmalari baholanmoqda.

Mazkur tanlov davlatimiz rahbari tomonidan ilgari surilgan 5 ta muhim tashabbusning to‘rtinchi yo‘nalishi — yoshlar maʼnaviyatini yuksaltirish, ular orasida kitobxonlikni keng targ‘ib qilish maqsadlariga xizmat qiladi.

Shu bilan birga, o‘quvchilarda o‘qish madaniyatini rivojlantirish, mustaqil fikrlashni shakllantirish va intellektual salohiyatni oshirishda muhim ahamiyat kasb etadi.