Institutda pedagoglar tajribasini ommalashtirish jarayonlari bosqichma-bosqich davom ettirilmoqda. Dastlabki bosqich — texnik ekspertiza muvaffaqiyatli yakunlanib, talabgorlar keyingi bosqich uchun saralab olindi.

Hozirda jarayonning ikkinchi bosqichi — mazmuniy ekspertiza ishlari olib borilmoqda. Metodik ishlarni xolisona baholash maqsadida o‘quv-metodik kengashlar tarkibi soha mutaxassislaridan shakllantirilgan. Unda metodistlar, professor-o‘qituvchilar, Ixtisoslashtirilgan ta’lim muassasalari agentligi ekspertlari hamda tajribali ijodkor o‘qituvchilar ishtirok etmoqda.

Barcha metodik ishlar belgilangan qat’iy mezonlar asosida sinchiklab baholanmoqda.