Pedagogik mahorat markazlari mutaxassislari uchun JICA tashkiloti eksperti Kana Takahashi ishtirokida o‘tkazilgan seminar-trening yapon tajribasiga tayangan holda “Reflektiv PDCA asosida amaliyotni takomillashtirish” mavzusida olib borildi.

Trening davomida metodistlar taʼlim sifatini oshirishning PDCA (Plan–Do–Check–Act) modeli bilan yaqindan tanishdilar.

Ishtirokchilar darslarni rejalashtirish, tahlil qilish va kasbiy faoliyatga tanqidiy yondashish bo‘yicha xalqaro metodlarni o‘rgandilar.

Mazkur tadbir ilg‘or xorijiy tajribalarni milliy taʼlim tizimiga tatbiq etish va metodistlar salohiyatini xalqaro tajribalar asosida oshirishga xizmat qiladi.