Tadqiqot jarayonlarida viloyatning 14 ta maktabidan jami 613 nafar o‘quvchi, ularning ota-onalari, boshlang‘ich sinf o‘qituvchilari hamda maktab direktorlari faol ishtirok etmoqdalar.

O‘zbekiston ushbu tadqiqotda ikkinchi marotaba ishtirok etmoqda.

Eslatib o‘tamiz, har besh yilda bir marta o‘tkaziladigan PIRLS tadqiqoti 4-sinf o‘quvchilarining o‘qish savodxonligini baholashga qaratilgan bo‘lib, quyidagi ko‘nikmalarni aniqlashga xizmat qiladi:

➖ matndan zarur ma’lumotlarni ajratib olish;
➖ xulosalar chiqarish;
➖ tahlil qilish;
➖ g‘oya va ma’lumotlarni talqin qilish hamda uyg‘unlashtirish.

Mazkur xalqaro tadqiqot orqali ta’lim tizimining zamonaviy talablarga moslashuvchanligi hamda samaradorligi tahlil qilinadi.