Bugun PIRLS 2026 xalqaro baholash tadqiqotining asosiy sinov jarayonlari Toshkent shahrida o‘tkazildi

Tadqiqot jarayonlarida tasodifiy tanlangan 11 ta maktabdan jami 658 nafar o‘quvchi, ularning ota-onalari, boshlang‘ich sinf o‘qituvchilari hamda maktab direktorlari ishtirok etdilar.

Ma’lumot uchun: PIRLS 2026 xalqaro baholash dasturi bo‘lib, ishtirokchi mamlakatlar to‘rtinchi sinf o‘quvchilarining qanchalik yaxshi o‘qiyotganliklari haqida yuqori sifatli xalqaro qiyosiy, tahliliy ma’lumotlarni taqdim etadi.

Tadqiqot quyidagi yo‘nalishlar bo‘yicha ma’lumotlarni taqdim etadi:

➖O‘rtacha o‘qish savodxonligi ko‘rsatkichlari;

➖PIRLS xalqaro benchmarking darajalariga erishgan o‘quvchilar ulushi hamda har bir darajadagi o‘quvchilarning o‘qish ko‘nikmalariga oid tavsiflar;

➖adabiy va ma’lumot olish maqsadlariga ko‘ra, shuningdek, tushunish jarayonlari kesimida o‘qish natijalari;

➖o‘quvchilar guruhlari (masalan, jins) kesimida natijalar;

➖oldingi PIRLS baholashlari bilan solishtirilganda kuzatiladigan tendensiyalar;

➖ta’lim sifatiga ta’sir etuvchi omillar, jumladan, o‘quvchining uy va maktabdagi hayoti, o‘qituvchilari hamda sinfdoshlari bilan munosabatlariga oid muhim kontekstual ma’lumotlar.