Bugun A.Avloniy nomidagi institutda fransiyalik ekspert Noémie Dedieuning institutdagi faoliyati yakunlariga bag‘ishlangan uchrashuv o‘tkazildi.
Uchrashuvda institut rektori Abduvali Ismailov va mas’ullar ishtirokida Noémie Dedieuning 2026-yil yanvar oyidan buyon institut bilan hamkorlikda amalga oshirgan ishlari, fransuz tilini rivojlantirish yo‘nalishidagi faoliyati sarhisob qilinib, erishilgan natijalar e’tirof etildi.

Uchrashuv yakunida Noémie Dedieuga institut bilan samarali hamkorligi, ta’lim tizimini rivojlantirishga qo‘shgan hissasi va faol ishtiroki uchun minnatdorlik bildirilib, sertifikat va esdalik sovg‘alari topshirildi.