Koreya Respublikasi pedagog kadrlar malakasini oshirish institutlari rahbarlaridan iborat delegatsiyaning A.Avloniy nomidagi institutga tashrifi doirasida institut hamda Pedagog kadrlar malakasini oshirish institutlarini rivojlantirish Milliy kengashi o‘rtasida hamkorlik memorandumi imzolandi.

Memorandumga muvofiq:

➖pedagog va ta’lim tizimidagi rahbar xodimlarning kasbiy salohiyatini rivojlantirish;
➖ ta’lim sohasida tajriba almashish va qo‘shma loyihalarni amalga oshirish;
➖moddiy va inson resurslaridan samarali foydalanish bo‘yicha hamkorlikni yo‘lga qo‘yish;
➖ innovatsion o‘qitish metodikalari hamda ta’lim dasturlarini rivojlantirish;
➖ta’lim sohasidagi istiqbolli tashabbuslarni birgalikda qo‘llab-quvvatlash nazarda tutilgan.
Mazkur memorandum pedagog va rahbar kadrlarning kasbiy rivojlanishini qo‘llab-quvvatlash, xalqaro hamkorlik aloqalarini kengaytirish hamda ta’lim sifatini oshirishga qaratilgan qo‘shma tashabbuslarni amalga oshirish uchun muhim asos bo‘lib xizmat qiladi.