A.Avloniy nomidagi institutda doktorant (DSc) va tayanch doktorant (PhD) tadqiqotchilarning ilmiy faoliyati samaradorligini baholash bo‘yicha monitoring jarayonlari o‘tkazildi.

Monitoring O‘zbekiston Respublikasi Vazirlar Mahkamasining 304-son qarorida belgilangan mezonlar asosida tashkil etilib, ishchi guruh tomonidan quyidagi yo‘nalishlarga alohida e’tibor qaratildi:

- izlanuvchilarning yakka tartibdagi ish rejalarining bajarilish holati;
- dissertatsiya mavzusi bo‘yicha ilmiy maqolalarning nufuzli ilmiy nashrlarda chop etilishi;
- ilmiy-amaliy konferensiyalarda dissertatsiya mavzusi yuzasidan ma’ruzalar bilan ishtirok etilishi;
- tadqiqot natijalarining amaliyotga joriy etilishi hamda ilmiy faoliyat samaradorligini ifodalovchi boshqa ko‘rsatkichlar.

Shuningdek, monitoring davomida tadqiqotchilarning ilmiy faoliyati yuzasidan fikr-mulohazalar bildirilib, ilmiy izlanishlar samaradorligini oshirish hamda belgilangan vazifalarni o‘z vaqtida amalga oshirish bo‘yicha tavsiya va takliflar berildi.