Maktabgacha va maktab taʼlimi vazirligi, Fransiyaning Oʻzbekistondagi elchixonasi hamda Groupe Hatier International tashkiloti hamkorligida yangi fransuz tili darslik majmualaridan foydalanish boʻyicha oʻquv mashgʻulotlari oʻtkazilmoqda.

Abdulla Avloniy nomidagi pedagogik mahorat milliy institutida tashkil etilgan seminarda Fransiyaning Didier nashriyoti mutaxassislari tomonidan mamlakatimiz umumtaʼlim maktablaridan jalb etilgan fransuz tili fani oʻqituvchilari uchun oʻquvlar oʻtkazilmoqda.

Seminarda oʻqituvchilar darsliklardan samarali foydalanish, ularni dars jarayoniga toʻgʻri integratsiya qilish va xalqaro metodlar asosida fransuz tilini oʻqitish boʻyicha yangi bilim va koʻnikmalarga ega boʻlishadi.