Fransiyaning Frankofoniya markazida tashkil etilgan navbatdagi xalqaro malaka oshirish dasturi doirasida o‘zbekistonlik pedagoglar zamonaviy pedagogik yondashuvlar, ta’lim innovatsiyalari hamda ilg‘or xalqaro tajribalarni o‘rganishga qaratilgan nazariy va amaliy mashg‘ulotlarda ishtirok etdilar.

Dastur davomida ishtirokchilar zamonaviy pedagogika, neyrofan va ta’lim psixologiyasi sohalaridagi ilg‘or ilmiy yondashuvlar, neyropedagogika, zamonaviy didaktika, innovatsion o‘qitish metodlari hamda o‘quvchilarning emotsional farovonligini qo‘llab-quvvatlashga oid samarali tajribalarni o‘zlashtirdilar.

Ma’lumot uchun: Abdulla Avloniy pedagogik mahorat milliy instituti va Frankofoniya markazi o‘rtasida imzolangan Hamkorlik memorandumi doirasida bugungi kunga qadar 96 nafar pedagog va rahbar xodim xalqaro ta’lim dasturlari asosida malaka oshirdi.