Bugun Abdulla Avloniy nomidagi pedagogik mahorat milliy institutida Goethe Instituti bilan hamkorlikda “Kasbiy rivojlanish kuni” va “Kasbiy rivojlanish soati” (KRK va KRS) tadbirlari doirasida nemis tili fani master-trenerlari va mentor-o‘qituvchilari uchun qisqa muddatli o‘quvlar boshlandi.

24–29-avgust kunlari davom etadigan o‘quvlar ikki guruhda tashkil etilgan bo‘lib, ishtirokchilar uchun nemis tilini o‘qitishda zamonaviy metodik yondashuvlarga bag‘ishlangan amaliy mashg‘ulotlar o‘tkaziladi.

O‘quvlar davomida:
➖A1–A2 darajalarida retseptiv va produktiv ko‘nikmalarni rivojlantirish;
➖B1 darajasida o‘qib va tinglab tushunish ko‘nikmalarini rivojlantirish;
➖gapirish ko‘nikmasini rivojlantirishning interfaol metodlari;
➖yozma nutqni rivojlantirishning usul va vositalari bo‘yicha mashg‘ulotlar olib boriladi.

Mazkur o‘quvlar 2026–2027-o‘quv yilida KRK va KRS tadbirlarini samarali tashkil etishga tayyorgarlik ko‘rishga xizmat qiladi.