Institutda “2026-yilgi Koreya–O‘zbekiston o‘qituvchilar almashinuvi dasturi” doirasida koreyalik xorijiy mutaxassislar ishtirokida o‘quv-trening va moslashuv tadbirlari tashkil etildi.

Treninglarda koreyalik mutaxassislar hamda mahalliy pedagoglar ishtirok etib, umumiy o‘rta ta‘lim maktablarida faoliyat yuritish, tajriba almashish va hamkorlikni samarali yo‘lga qo‘yish masalalariga e‘tibor qaratildi.

Mazkur dastur Maktabgacha va maktab ta‘limi vazirligi hamda UNESCO shafeligidagi Osiyo-Tinch okeani xalqaro anglashuv ta‘lim markazi (APCEIU) hamkorligida amalga oshirilmoqda.