Bugun yurtimiz maktablarida yangi o‘quv yilining boshlanishi munosabati bilan an’anaviy “Birinchi qo‘ng‘iroq” tadbirlari o‘tkazildi.

Jumladan, Olmazor tumanidagi 28 -son umumta’lim maktabida tashkil etilgan tantanali tadbirda institut rektori Abduvali Ismailov ishtirok etdi.

Tadbir avvalida muhtaram Prezidentimizning mamlakatimiz maktablari o‘quvchilari, ustoz va murabbiylariga yo‘llagan samimiy tabrigi o‘qib eshittirildi.

Tantanali tadbirning eng quvonchli lahzalaridan biri — maktab ostonasiga ilk bor qadam qo‘ygan 1-sinf o‘quvchilariga Prezident sovg‘alarining tantanali ravishda topshirilishi bo‘ldi.

Yangi o‘quv yili barcha o‘quvchi va ustozlar uchun ulkan zafarlar, yangi yutuqlar va ezgu maqsadlarga boy bo‘lsin!