Institut Kengashining 7-son yig‘ilishida tarkibiy bo‘limlar faoliyati, amalga oshirilayotgan ishlar va xalqaro hamkorlikni rivojlantirish istiqbollari muhokama qilindi.

Kengashda kun tartibidagi quyidagi:

— Xalqaro hamkorlikni kengaytirish istiqbollari;
— rahbar kadrlar malakasini oshirish kurslarini metodik jihatdan ta‘minlash sifatini oshirish;
— elektron kutubxona imkoniyatlaridan samarali foydalanish;
— ijro intizomining bajarilish holati;
— Institutining mehmonxona faoliyatini takomillashtirish va rivojlantirish kabi masalalar tahlil qilindi.

Shuningdek:

- 13.00.07 – “Ta‘limda menejment” ixtisosligi bo‘yicha 2 nafar talabgorni professor ilmiy unvoniga tavsiya etish;

- 2026-yil IV chorak uchun mustaqil izlanuvchilarning dissertatsiya mavzulari, ilmiy rahbarlari va maslahatchilarini tasdiqlash;

- institutning “Maktab ta‘limi: muammolar, izlanishlar, yechimlar” jurnali tahririyat hay‘ati tarkibini takomillashtirish masalalari ko‘rib chiqildi.

Kun tartibidagi masalalar yuzasidan mas‘ullarning axborotlari eshitilib, tegishli qarorlar qabul qilindi va mas‘ullarga vazifalar belgilandi.