Mehmonlar institut faoliyati, yangilangan kampusi, jumladan, Abdulla Avloniy yodgorlik muzeyi, Axborot-resurs markazida bo‘lib, kutubxona va ta‘lim fidoyilari burchagi bilan yaqindan tanishdilar.

So‘ngra tomonlar rahbariyati va masʼullari o‘rtasida rasmiy uchrashuv o‘tkazildi.

Uchrashuvda pedagoglarning uzluksiz kasbiy rivojlanishini qo‘llab-quvvatlash, maktab rahbarlari uchun xorijiy ekspertlar ishtirokida seminar-treninglar tashkil etish, Xalqaro maktab direktorlari forumida O‘zbekiston vakillarining ishtiroki hamda kelgusidagi qo‘shma loyihalar muhokama qilindi.

Shuningdek, delegatsiya a‘zolari SHNU talabalari Institut professor-o‘qituvchilari, xodimlari va kurs tinglovchilari bilan kichik guruhlarda suhbatlar o‘tkazdilar.

Tashrif yakunida hamkorlikni izchil davom ettirish va kelishilgan tashabbuslarni amalga oshirish bo‘yicha navbatdagi vazifalar belgilab olindi.

Maʼlumot o‘rnida: 2026-yil 7-iyul kuni UNESCO TEC va Institut o‘rtasida o‘zaro hamkorlik memorandumi imzolangan edi.