O‘zbekistonda bir o‘quvchiga to‘g‘ri keladigan jami xarajat 14,3 ming dollar, o‘quvchilarning o‘rtacha natijasi esa 438 ballni tashkil etdi.
Taqqoslash uchun, Qozog‘iston bir o‘quvchiga 52,7 ming dollar sarflab, 420 ball, Bolgariya 77,3 ming dollar sarflab, 421 ball, Qatar 117,3 ming dollar sarflab, 434 ball, Saudiya Arabistoni esa 120,9 ming dollar sarflab, 413 ball qayd etgan.

Ushbu natijalar ta’lim sifati faqat ajratilgan mablag‘ miqdoriga emas, balki resurslardan qanchalik samarali foydalanish, ularni to‘g‘ri yo‘naltirish va ta’lim jarayonini oqilona tashkil etishga ham bevosita bog‘liqligini ko‘rsatadi.