Kuni kecha Sankt-Peterburg davlat universitetida o‘tkazilgan O‘zbekiston-Rossiya mintaqalararo rektorlar konferensiyasiga tashrif chog‘ida A.Avloniy nomidagi milliy-tadqiqot instituti rektori Abduvali Ismailov Gersen nomidagi Rossiya davlat pedagogika universiteti rektori Sergey Tarasov bilan hamkorlik memorandumini imzoladi.

Ushbu memorandum doirasida 2023-2026-yillar davomida ilm-fan, madaniyat va kasbiy rivojlantirish yo‘nalishlarida hamkorlikni uzviy davom ettirish maqsad qilingan.

Shuningdek, hamkorlik hujjati mazmuniga ko‘ra, hamkorlikda uchrashuv, muhokamalar va maslahatlashishlar o‘tkazish, metodikaga oid maʼlumotlar almashish, ilmiy-tadqiqot va taʼlimga oid loyihalarni amalga oshirish nazarda tutilgan.