A.Avloniy nomidagi milliy-tadqiqot instituti rektori A.Ismailov hamda rektorning xorijiy maslahatchisi va prorektori ishtirokida institutning tayanch doktorantlari bilan uchrashuv o‘tkazildi.

Uchrashuvda avvalo, doktorantlarning ilmiy-tadqiqot ishlari mavzusining dolzarbligi, izlanishlar samaradorligi bilan tanishilib, izlanuvchilar masʼuliyatini oshirish masalalari, ilmiy-tadqiqot ishini olib borishga qo‘yiladigan talablar bo‘yicha maʼlumotlar berildi.

Ilmiy-tadqiqot mavzusini asoslash, tadqiqotning konsepsiyasi, maqsadi va vazifalarini shakllantirish, muammoning o‘rganilganlik darajasini aniqlash bo‘yicha ko‘rsatma va tavsiyalar berildi.

Doktorantlarning ehtiyojlari va muammolari o‘rganilib, yechim topish bo‘yicha masʼullarga ko‘rsatma berildi. Xususan, ularning xorijiy tillarni o‘rganishga bo‘lgan ehtiyojiga ko‘ra, institutda doktorantlar uchun bepul kurslar tashkil etilishi rejalashtirildi.

Doktorantlar o‘zlarini qiziqtirayotgan savollarga batafsil javob hamda tavsiyalar oldilar.