Bugun Maktabgacha va maktab taʼlimi vazirligi huzuridagi A.Avloniy nomidagi Pedagogik mahorat milliy instituti yangi binosining ochilishi va institut faoliyati mazmunidagi o‘zgarishlar yuzasidan PRESS-TUR tashkil etildi.

Unda barcha ommaviy axborot vositalari vakillari, jurnalistlar, blogerlar va taʼlim tashkilotlarining Matbuot kotiblari ishtirok etdi.

Vazirlik va institut rahbariyati tadbir ishtirokchilariga yangi bino, A.Avloniy yodgorlik muzeyi, Axborot-resurs markazi, “Situatsion” o‘quv xonasi, “Tarbiya va maʼnaviy kamolot” xonasi, videodarslarni tasvirga olish studiyasi, STEAM markazi hamda mehmonxona, pedagoglar uchun yaratilgan barcha sharoitlar bilan tanishtirdilar.

PRESS-TUR yakunida jurnalist va blogerlarni qiziqtirgan savollarga javoblar va intervyular berildi.