Institut rektori tashabbusi bilan xodimlar va doktorantlar uchun ularning xorijiy tillarni o‘rganishga bo‘lgan ehtiyojiga ko‘ra, bepul kurslar tashkil etilishi rejalashtirilgan edi.

Bugundan institutda doktorantlarga Ingliz tilini maqsadli o‘qitish akademiyasi (English Specific Purpose Academy) tomonidan birinchi dars mashg‘ulotlari o‘tkazildi. Bunda asosan, doktorantlarning ilmiy izlanishlariga oid tizimli kurs mashg‘ulotlarini olib borish ko‘zda tutilgan.

Ushbu bepul kurslardan qilingan maqsad, institut xodimlari va doktorantlarining chet tilini bilish darajasini ko‘tarish va salohiyatini oshirishdir.