Bugun Navoiy viloyati hokimi va viloyatning taʼlim, qurilish va loyihalash bo‘yicha mutasaddi rahbarlari A.Avloniy nomidagi pedagogik mahorat milliy institutida bo‘lib, institutning yangi binosi, Axborot-resurs markazi, Abdulla Avloniy yodgorlik muzeyi, videodarslarni tasvirga olish media studiyasi va o‘quv xonalaridagi sharoitlar bilan tanishdilar.

Malaka oshirishga kelgan pedagoglar uchun tashkil etilgan zamonaviy sharoitlarga ega mehmonxona hamda STEAM laboratoriya markazi binosini ham ko‘rdilar.

Tanishuv so‘ngida viloyat rahbari hududdagi pedagogik mahorat markazini yangi va zamonaviy ko‘rinishda barpo etish bo‘yicha mutasaddilarga tegishli ko‘rsatma berdi.