Maktabgacha va maktab ta‘limi vazirligi, A.Avloniy nomidagi pedagogik mahorat milliy instituti hamda Ta‘limni rivojlantirish respublika ilmiy-metodik markazi hamkorligida tashkil etilgan treningda maktab koordinatorlarining asosiy vazifalari va asosiy sinovda ishtirok etuvchi o‘quvchilarni tanlab olish bosqichlari muhokama qilindi.

Unga Qoraqalpog‘iston Respublikasi maktabgacha va maktab ta‘limi vazirligi, viloyatlar va Toshkent shahar maktabgacha va maktab ta‘limi boshqarmalari vakillari, tadqiqotda ishtirok etuvchi maktab direktor va koordinatorlari, hududiy koordinatorlar hamda tegishli mas‘ullar onlayn jalb etildi.

Eslatib o‘tamiz, PISA 2025 tadqiqotining asosiy jarayonlari 2025-yilning aprel-may oylarida o‘tkazilishi rejalashtirilgan.