"Bugungi kunda yurtimiz ta’limi xalqaro maydonda tobora faol ishtirok etmoqda.

PISA 2025 tadqiqoti — bunga yaqqol misoldir. Maktabimizning ushbu nufuzli baholash dasturida tasodifiy tanlovda tushgani, qatnashayotgani — bu nafaqat faxr, balki katta mas’uliyatdir.

PISA testlari orqali biz o‘quvchilarimizning faqat bilim darajasini emas, balki ularning fikrlash, muammoni hal qilish va hayotiy vaziyatda qaror qabul qilish ko‘nikmalarini ko‘ramiz. Bu esa zamonaviy ta’limning eng muhim yo‘nalishidir.

Ishonchim komilki, o‘quvchilarimiz bu sinovda munosib ishtirok etib, nafaqat o‘z maktabining, balki butun yurtimiz ta’lim tizimining salohiyatini namoyon etadi. Direktor sifatida o‘zim ham so‘rovnomada qatnashdim. Direktorlar fikrini o‘rganishlari ham menga yoqdi."

Medetbay Aytmuratov
Nukus tumanidagi 30-sonli maktab direktori