Bugun Maktabgacha va maktab taʼlimi vazirligining A.Avloniy nomidagi milliy-tadqiqot institutida institut rektori Abduvali Ismailov UNICEF tashkilotining taʼlim bo‘yicha boshlig‘i Alberto Biankoli va O‘zbekistondagi vakillari bilan uchrashuv o‘tkazdi.

Uchrashuv davomida maktab direktorlari va o‘qituvchilarining malakasini oshirish, kurslarning o‘quv dasturlari va kontentlarini takomillashtirish, xalqaro tajribalarni keng joriy etish, malaka oshirish kurslarida dars beruvchi professor-o‘qituvchilarning salohiyatini rivojlantirish masalalari bo‘yicha suhbat olib borildi.

Shuningdek, zamonaviy xorijiy tajribalarni o‘rganish, tizimda qo‘llash, A.Avloniy nomidagi milliy-tadqiqot instituti professor-o‘qituvchilari va xodimlari, hududiy pedagogik milliy markazlar professor-o‘qituvchilari hamda xodimlarining malakasini oshirishda birgalikda amalga oshirilishi ko‘zda tutilgan ishlar to‘g‘risida atroflicha fikr almashildi.